“Qəbələ” klubu 2020/21 mövsümünün ikinci hissəsinin hazırlığına start verib.
“Qırmızı-qaralar” Qəbələdə bir araya gəlib. Ayın 13-dək Qəbələ şəhər stadionunda hazırlıq keçəcək “qırmızı-qaralar” toplanışı Bakıda davam etdirəcək. Yanvarın 14-də komanda “Sumqayıt”la matçda qüvvəsini sınayacaq.
Bu arada, “Neftçi”nin maraqlandığı qərblilərin legioneri Ceyms Adeniyi ilə bağlı da yeni xəbər var. Ötən mövsüm İsraildə icarədə çıxış edən, yayda müqavilə ilə bağlı olduğu təmsilçimizə qayıdan nigeriyalı yenidən Kiryat Şimona “Hapoel”inə qayıdır. Nigeriyalı bir müddətdi “Neftçi”ylə danışıq aparırdı. Amma bakılılar yüksək maaş tələb edən forvardla razılığa gələ bilmədi. Belədə 28 yaşlı Ceyms yenidən İsrail çempionatında çıxış etməyi məqsədəuyğun bilib.