“Barselona”nın və Argentina millisinin futbolçusu Lionel Messi karyerası ilə bağlı gələcək planlarından danışıb. 33 yaşlı hücumçu heç bir klubla danışıq aparmadığını deyib: “Barselona”dan ayrılıb-ayrılmayacağımı bilmirəm. Bu barədə mövsümün sonunda danışacağıq. Ancaq karyeramı bitirdikdən sonra klubda qalacağıma ümid edirəm". Ulduz futbolçu "Real Madrid" və "Atletiko"da çıxış etməyin mümkünsüz olduğunu da deyib: "Nə vaxtsa Amerika Birləşmiş Ştatlarının çempionatında oynamaq istəyirəm. Bu, mənim arzumdur. Ancaq gerçəkləşəcəyini bilmirəm" deyə Messi bildirib.
Qeyd edək ki, Lionel Messi yayda "Barselona"nı tərk etmək istəsə də, klub rəhbərliyi onunla müqaviləni pozmaqdan imtina edib. Daha sonra Messi komandada ən azı bir mövsüm qalacağını açıqlayıb.