21 yaşadək futbolçular arasında Avropa çempionatının final mərhələsinin püşkü atılıb.
Həlledici mərhələdə 16 komanda 4 qrupda mübarizə aparacaq. A qrupunda Macarıstan, Almaniya, Rumıniya, Niderland, B qrupunda Sloveniya, İspaniya, Çexiya, İtaliya, C qrupunda Rusiya, İslandiya, Fransa, Danimarka, D qrupunda Portuqaliya, Xorvatiya, İngiltərə və İsveçrə seçmələri qərarlaşıb.
Qeyd edək ki, Macarıstan və Sloveniyanın birlikdə ev sahibliyi edəcəyi final mərhələsinin oyunları 2021-ci il martın 24-də start götürəcək. Həmin ayın 31-də qrup matçlarına yekun vurulacaq. Qruplarında ilk 2 pilləni tutan komandalar pley-offa vəsiqə qazanacaqlar. Bu mərhələnin qarşılaşmaları may 31-dən iyunun 6-adək keçiriləcək. A və C qrupunun oyunları Macarıstanda, B və D qrupunun matçları isə Sloveniyada olacaq.