İngiltərə çempionatının 10-cu turuna iki görüşlə yekun vurulub.
Əvvəlcə, “Lester” “Fulhem”i qəbul edib. Görüşə qonaqlar daha yaxşı başlayıblar. 30-cu dəqiqədə hesab açılıb. “Fulhem”in heyətindən Ademola Lukman fərqlənib. Çox keçmədən fərq artıb. Bu dəfə İvan Kavaleyro fərqlənib. Fasiləyə məğlub yollanan meydan sahibləri ikinci yarıda hücumlarının sayını artırıblar. “Lester” matçın sonlarında toplardan birinin əvəzini çıxıb. Harvi Barns mübarizəyə nöqtə qoyub. 2:1 hesabı ilə qalib gələn “Fulhem” 7 xalla autsayderlər qupundan kənarlaşıb. “Lester” 18 xalla 4-cüdür.
Digər oyunda isə “Vest Hem” – “Aston Villa” ilə qarşılaşıb. Bu görüşdə də eyni nəticə qeydə alınıb. İlk hissədə meydan sahiblərindən Angelo Oqbonnanın qoluna, qonaqlardan Cek Qriliş dəqiq zərbə ilə cavab verib. İkinci yarıda “Vest Hem”dən Carrod Bouen komandasına qələbə qazandırıb. 2-1 hesabı ilə qalib gələn “Vest Hem” 17 xalla 5-ci pilləyə yüksəlib. 15 xalı olan “Aston Villa” 10-cudur. Turnir cədvəlinə 21 xalı olan “Tottenhem”lə “Liverpul” başçılıq edir.