Niderland millisi yoxlama görüşündə İspaniya seçməsini qəbul edəcək.
Görüşə maraq olduqca böyükdür. Komandalar bunadək 8 dəfə qarşılaşıblar. Aralarındakı oyunlarda niderlandlılar 5 dəfə qalib gəliblər. 2-də ispanlar qələbə qazandıqları halda, 1 oyunda qalib müəyyənləşməyib. Niderland millisinin baş məşqçisi Frank De Bur mətbuat konfransında iddialı danışıb: “Rəqib İspaniya millisidir. Yetərincə təcrübəsi, əla oyunçuları var. Amma bu, bizi qorxutmur. Meydanda hər qarış uğrunda mübarizə aparacağıq. Qələbəyə iddialıyıq. Əlimizdən gələni edəcəyik”.
Niderland – İspaniya matçı bu gün Bakı vaxtı ilə saat 23:45-də başlanacaq.