ÇSKA Rusiya Premyer Liqasında arıdıcıl 5-ci qələbəsini qazanaraq ilk pillədəki yerini qoruyub. “Hərbiçilər” 14-cü turda “Rostov”dan üstün olub. Moskva klubunun ən yaxın izləyicisi “Zenit” də qalib gələrək liderlə xal fərqinin artmasına imkna verməyib.
ÇSKA - “Rostov” matçında hesab 20-ci dəqiqədə açılıb. Konstantin Kuçayevin zəribəsindən sonra müdafiəçiyə dəyən top tora daxil olub. ÇSKA futbolçuları ikinici hissədə daha bir qol vurublar. Fyord Çalov yekun nəticəni müəyyənləşdirib. ÇSKA – Rostov 2-0
ÇSKA-nın ən yaxın izləyicisi “Zenit” də qalib gəlib. Sankt-Peterburq klubu öz meydanında “Krasnodar”ı məğlub edib. 11-ci dəqiqədə Markus Berq qonaqları hesanda irəli çıxarsa da, “Zenit” ikinci hissədə bunun cavabını artıqlamasıyla verib. Əvvəlvə 64-cü dəqiqədə Daler Kuzyayev tarazlığı bərpa edib. Bir qədər sonra Artyom Dzuyuba hesabı “Zenit”in xeyrinə dəyişib. Əlavə olunan 3-cü dəqiqədə isə Aleksey Sutormin son nöqtəni qoyub. “Zenit”- “Krasnodar” 3-1.
Moskva derbisində “Dinamo” “Lokomotiv”ə böyük hesabla qalib gəlib. Azrkeşlər erkən qolun şahidi olublar. Artıq 3-cü dəqiqədə “dinamoçular” hesabda irəli çıxıb. Hücumlarını davam etdirən meydan sahibləri rəqibi ikinci dəfə məyus edib. Klinton Nje fərqlənib. 5 dəqiqə sonra “dəmiryolçular” daha bir zərbə alıb. Slobadan Raykoviç qırmızı vərəqə alaraq komandasını çətin vəziyyətdə qoyub. Buna baxmayaraq qonaqlar ilk yarının son saniyələrində qollardan birinin əvəzini çıxıb. Ze Luiş “Lokomotiv”i ümidləndirib. Fasilədən sonra isə “Dinamo” tamamilə təşəbbüsə yiyələnib. Bir saatın tamamında Daniil Lesovoy hesabı 3-1 edib. 64-cü dəqiqədə baş hakim “Lokomotiv”in daha bir oyunçusunu meydandan çıxarıb. Bir qədər sonra “Dinamo” da meydanda azlıqda qalıb. Serqey Parşivlyuk qırımızı vərəqə ilə cəzalandırılıb. Görüşün sonlarında meydan sahibləri daha iki dəfə qonaqların qapısına yol tapıb. 86-cı dəqiqədə Daniil Fomin, əlavə olunan ikinci dəqiqədə isə Konstantin Rauş diqqət mərkəzinə düşüb. 5-1. 14 turdan sonra ÇSKA 31 xalla liderdir. Ondan bir xal az toplayan “Zenit” ikinci, hesabında 28 xalı olan “Spartak” isə 3-cüdür. “Dinamo” isə 26 xalla 4-cü pillədə qərarlaşıb.