“Böyük Dəbilqə” seriyasında “Rolan Qarros” turniri davam edir. Ümümi mükafat fondu 38 milyon avro olan yarışda 1/8 final mərhələsi keçirilir. Kişilərin mübarizəsində iddialılar ümidləri doğruldublar. Qadınların yarışı isə sürprizlərlə zəngindir.
Rafael Nadal 1/8 finalda Amerika Birləşmiş Ştatlarının təmsilçisi Sebastyan Korda ilə üz-üzə gəlib. İspaniyalı raketka ustası qalib gəlməkdə çətinlik çəkməyib. Ilk 2 setdə 6:1 hesabı ilə qələbə qazanan Nadal, 3-cü hissədə rəqibə 2 geymdə fərqlənməyə imkan verib. ¼ finalda o, Yannis Sinner ilə üz-üzə gələcək.
İtaliyalı idmançı almaniyalı Aleksandr Zverevi mübarizədən kənarlaşdırıb. Ilk 2 setdə 6:3 hesabı ilə üstün olan Sinner 3-cüdə uduzub. Amma 4-cü setdə eyni hesabla qalib gələn Yannik Sinner mərhələ adlayıb.
Günün ən gərgin qarşılaşması avstriyalı Dominik Tim ilə Fransalı Yuqo Qaston arasında olub. 5 set davam edən matçda Tim qələbə qazanıb. ¼ finalda avstriyalı tennisçi Dieqo Şvartsmanla qarşılaşacaq. Argentinalı idmançı italiyalı Lorentso Soneqo-nu məğlub edib.
Qadınların yarışında sensasiya baş verib. Iddialılardan Simona Halep polşalı İqa Şventeklə bacarmayıb. Reytiqndə 2-ci olan ruminiyalı idmançı ilk setdə 1, 2-ci də isə 2 geymdə fərqlənə bilib. İqa Şventek ¼ finalda Martina Trevisan-la üz-üzə gələcək.
İtaliyalı idmançı Niderland təmsilçisi Kiki Bertensi mübarizədən kənarlaşdırmaqla diqqət çəkib. Hər iki setdə 6:4 hesabı qeydə alınıb. Qeyd edək ki, Bertens reytinqdə 8-ci, Trevisan isə 159-cu yerdədir.