“Böyük dəbilqə” seriyalı Rolan Qaros turniri davam edir. Parisdə keçirilən yarışda ikinci mərhələnin görüşləri keçirilir. Mükafat fondu 38 milyon avro olan turnirdə favoritlər özünü doğrultmaqdadır.
Kişilərin mübarizəsində diqqətlər ispaniyalı Rafael Nadalla Amerika Birləşmiş Ştatları idmançısı Makenzie Makdonald arasında duelə yönəlmişdi. Yarışın əsas favoritlərindən sayılan Rafael Nadal bütün setlərdə qələbə qazanaraq 1/16 finala yüksəlib.
Yarışın ikinci mərhələsi isveçrəli Sten Vavrinka üçün uğurlu olub. Belə ki, o, almaniyalı Dominik Köpferi məğlub edib. Bununla da, isveçrəli raketka ustası “Böyük Dəbilqə” seriyalı turnirlərdə 150-ci qələbəsini qazanıb.
Qadınların mübarizəsində də maraqlı görüşlər olub. İki rumıniyalının dueli xüsusi diqqət çəkib. Söhbət Simona Haleplə İrina Kamleiya Bequnun mübarizəsindən gedir. Hər iki setdə rəqibindən üstün olan Halep mərhələ adlayıb.