Amerika Milli Basketbol Assosiyasının pley-off mərhələsində mübarizə davam edir. 1/8 finalda “İndiana Peysers” “Mayami Hit”lə qarşılaşıb. Orlandoda keçirilən görüşə İndiana basketbolçuları daha yaxşı başlayaraq 1-ci hissədə qalib gəliblər: 24-22. Sonradan üstünlüyü ələ alan Mayami kollektivi böyük fasiləyə öndə yollanıb: 51-46. Digər hissələrdə də inamlı təsir bağışlayan Mayami basketbolçuları yekunda qələbə qazanıblar. “İndiana Peysers” – “Mayami Hit”: 100-109.
Oyunun ən yaxşısı Dunkan Robinson olub. “Mayami Hit”in basketbolçusu 24 xal, 2 ribaund, 2 məhsuldar ötürmə ilə yadda qalıb.