Futbol üzrə UEFA Çempionlar Liqasında yarımfinal mərhələsi başa çatıb.Bununla da növbəti finalçının adı məlum olub.
Həlledici oyunda Almaniya “Bavariya”sı ilə Fransanın “Lion” klubu ilə üz-üzə gəlib. Portuqaliyanın paytaxtı Lissabondakı “Estadio Joze Alvalade” stadionunda keçirilən oyun Münhen təmsilçisinin 3:0 hesablı qələbəsi ilə başa çatıb. Oyunda münhenlilərin heyətində Serj Qnabri və Robert Levandovski fərqləniblər.
Qeyd edək ki, “Bavariya” finalda PSJ ilə qarşılaşacaq. Həlledici oyun avqustun 23-də baş tutacaq.