Bu gün Belçikada “Tur de Vallonie” veloyürüşünə yekun vurulacaq. İştirakçılar “Tur de Vallonie” veloyürüşünün 3-cü mərhələsində 192 km məsafə qət ediblər. İrlandiya velosipedçisi Sem Bennet finiş xəttini rəqiblərindən tez keçib. O, 4 saat 42 dəqiqə 25 saniyə nəticə göstərib. Fransalı Arno Demar 2-ci olub. İlk üçlüyü isə almaniyalı Con Deqenkolb tamamlayıb. Ümumi yarış cədvəlinə Arno Demar başçılıq edir. O,12 saat 57 dəqiqə 28 saniyə nəticə ilə birincidir. Belçikalı Amori Kapyö liderdən 16 saniyə geri qalır. Yeni Zellandiyalı Ceyms Fouç isə 3-cüdür.