Amerika Milli Xokkey Liqasında pley-ofun növbəti oyunları olub. “Kolorado Evelanş” “Arizona Koyots” ilə seriyanın 4-cü qarşılaşmasında üz-üzə gəlib. Kolorado xokkeyçiləri ilk perioddan başlayaraq təşəbbüsü ələ alıblar. Onlar fasiləyə kimi rəqib qapısından 3 şayba keçirməyə müvəffəq olublar. Komandanın heyətində Nyeto hesabı açıb, Kadri isə dubl edib. 2-ci bölümdə 1:1 hesabı qeydə alınıb. Sonuncu hissədə Makar, Kalvert və Rantenenin dəqiq zərbələri “Kolorado Evelanş”ın inamlı qələbəsini təmin edib 7:1. Kolorado klubu seriyanın 4-cü görüşündə 3-cü dəfə qalib gələrək ümumi hesabı 3:1-ə çatdırıb.
Komandalar arasında 4-cü oyun avqustun 20-də keçiriləcək.