Premyer Liqaya yüksəlmək uğrunda pley-offun finalı keçirilib. Həlledici görüşdə “Brentford”la “Fulhem” qarşılaşıb.Gərgin mübarizə şəraitində keçən oyunun ilk hissəsində hesab açılmayıb. Fasilədən sonra da komandalar qapılarını toxunulmaz saxlayıblar.
Qalibi müəyynələşdirmək üçün təyin olunan əlavə vaxtda isə 3 qol vurulub. Əvvəlcə,“Fulhem”in heyətindən Co Brayan hesabı açıb. Çox keçmədən fərq artıb. 26 yaşlı müdafiəçi dubl edib. Rəqib komandanın gücü isə yalnız 1 qola çatıb. Henrik Dalsqor qapıya yol tapsa da, komandası məğlub olub. 2:1 hesabı ilə qalib gələn “Fulhem” Premyer Liqaya vəsiqə əldə edib. Bunu bacaran digər 2 komanda isə “Lids” və “Vest Bromviç”dir.