Portuqaliya çempionatının 33-cü turunda “Portu” və “Moreyrense” komandaları qarşılaşıb. Oyuna daha fəal başlayan meydan sahibləri 4-cü dəqiqədə hesabı açıblar. Fernando Luiz fərqlənib. Görüşün 20-ci dəqiqəsində qonaqlar tarazlığı bərpa ediblər. Fabio Abreu diqqət mərkəzinə düşüb. Fasilədən sonra təşəbbüsü ələ alan “Portu” futbolçuları rəqib qapısından 5 top keçirməklə qələbə qazanıblar.
Belə ki, meydan sahiblərindən Otavia, Telles və Mareqa hərəyə bir dəfə fərqləndiyi halda, Soares dubl edib. “Portu” – “Moreyrense”: 6-1
Əlavə edək ki, çempionluğu vaxtından əvvəl təmin edən “Portu” xallarının sayını 82-ə çatdırıb. “Moreyrense” isə 43 xalla 8-cidir.