2 il sonra Qətərdə keçiriiləcək futbol üzrə dünya çempionatının final mərhələsinin təqvimi açıqlanıb. Bu haqda FİFA-nın rəsmi saytında məlumat verilib. Qeyd edək ki, mundial ilk dəfə olaraq payızda olacaq.
Mundialın açılış oyunu noyabrın 21-də Bakı vaxtı ilə 14-də ev sahibi komandanın iştirakı ilə 80 000 azarkeş tutumuna malik "Al Bayt" stadionunda keçiriləcək. Qrup mərhələsinin matçları dekabrın 2-dək olacaq. 1/8 final mərhələsi dekabrın 3-dən 6-dək, 1/4 final qarşılaşmaları dekabrın 9-u və 10-da, yarımfinallar isə dekabrın 13-ü, 14-də olacaq. Final qarşılaşması dekabrın 18-də saat 19-da "Lusail" arenaya təyin edilib. 3-cü yer uğrunda görüş isə dekabrın 17-də Dohadakı "Xəlifə" stadionunda keçiriləcək.
Qeyd edək ki,bu 32 komandanın iştirakı ilə təşkil olunacaq sonuncu dünya çempionatıdır. Belə ki, 2026-cı ildə Amerika Birləşmiş Ştatları, Kanada və meskikanın birlikdə təşkil edəcəyi mundialda 48 komanda yarışacaq.