Fabio Kapello “İnter”in hücumçusu Lautaro Martinesə “Barselona”ya keçməyi məsləhət görməyib.
73 yaşlı italiyalı mütəxəssis “La Gazzetta dello Sport” nəşrinə açıqlamasında argentinalı futbolçunun Kataloniya klubunda ehtiyat oyunçular skamyasında qalacağını deyib. Xatırladaq ki, son günlər “Barsa”nın yayda Martinesi transfer edəcəyi ilə bağlı xəbərlər dolaşır. Deyilənə görə, komandanın lideri Lionel Messi həmyerlisini məhz öz heyətlərində görmək istəyir.
Əlavə edək ki, Lautaronun transferinin dəyəri isə 111 milyon avrodur.