“Çikaqo bullz”un baş meneceri Qar Forman istefaya göndərilib.
İllinoys klubunda 22 il çalışan funksioner son 10 ildə menecer postunu tuturdu. Formanın gedişindən sonra isə kluba litvalı mütəxəssis Arturas Karnişovas rəhbərlik edəcək. Amma o, vitse-prezident vəzifəsində çalışacaq. Buna qədər Karnişovas “Denver naggets”in baş meneceri kimi fəaliyyət göstərirdi.
Görünür, Maykl Cordandan sonra uğurlu draft əməliyyatları olmadığına və Fil Ceksondan sonra iddialı məşqçi tapa bilmədiklərinə görə klubun sahibi Cerri Reynsdorf islahatlar aparmağı qərara alıb.