“Barselona”nın sabiq kapitanı Karles Puyol hazırda “Mançester Siti”ni çalışdıran Xosep Qvardiola haqda fikirlərini bölüşüb.
Sabiq futbolçu onun yenidən UEFA Çempionlar Liqasını qazanmasını arzuladığını söyləyib: “Mənim üçün işlədiyim məqşçilər arasında Qvardiola ən güclüsüdür. Ümumiyyətlə, onu dünyanın ən yaxşı məşqçisi sayıram. Pepin komandalarını oyun üslubuna görə tanımaq çətin deyil və yenidən ÇL-i qazanmasını istəyirəm”.