UEFA Avropa Liqasının 1/16 finalında “Arsenal”ın “Olimpiakos”a uduzması gözlənilməz olub.
Əlavə 30 dəqiqənin sonlarında buraxılan qolla məğlub olan “topçular”ın baş məşqçisi Mikel Arteta bunları deyib: “Bu bizim üçün sarsıdıcı məğlubiyyətdir. Tam müdafiəyə çəkilən rəqibin qapısına yol tapmaqda çətinlik çəkdik. Qol vurduq, amma sonra da standart vəziyyətdən top buraxdıq. Görüşün son 5 dəqiqəsində vəziyyəti tam nəzarət altına almalı idik, amma bacarmadıq. Bununla belə, oyunçularımla fəxr edirəm”.