Niderland millisinin sabiq yarımmüdafiəçisi Ruud Qullit “Milan” rəhbərliyinə məsləhət görüb ki, Frank Raykaardı baş məşqçi təyin etsinlər.
İtaliya mətbuatına açıqlama verən “rossonyerlilər”in keçmiş futbolçusu bunları deyib: “Milan” nə üçün Frank Raykaarda dəvət göndərməsin? Siz hücum futbolu oynamaq istəyirsinizsə, niderlandlı mütəxəssisi çağırın! Bilirəm, bir neçə il öncə Klarens Zeedorf bu klubda işləyib, amma o, təcrübəsiz idi, həm də ona vaxt verilmədi”.