“Roma”nın sabiq futbolçusu Françesko Totti 2015-17-ci illərdə onunla çiyin-çiyinə oynamış Məhəmməd Salah haqda fikirlərini bölüşüb.
Totti misirli haqda xoş sözlər deyib: “Salah “Roma”da qalsaydı, Çempionlar Liqasını qazana bilməyəcəkdi. Amma “Liverpul”a keçməklə bu imkanını artırdı. Salah fərqli oyunçudur və “Liverpul”a keçməsi karyerasında böyük dönüş oldu. Halbuki, çoxları Məhəmməddən belə yüksəliş gözləmirdi. Reallıqda isə bugünkü Salah istənilən oyunda və istənilən vaxtda nəticəni komandasının xeyrinə dəyişə biləcək futbolçudur”.