Pol Poqba “Real”a transfer olunmayacaq.
İtaliya mətbuatının yazdığına görə, klubun prezidenti Florentino Peres baş məşqçi Zinəddin Zidanı bu fikrindən daşındırıb. “Tuttosport” nəşrinin yazdığına görə, artıq “Mançester Yunayted” rəhbərliyi və məşqçi heyətinin də fransalı futbolçuya inamı azalıb. Sentyabr ayından zədəsini sağalda bilməyən Poqbanın bundan sonra toparlanıb özünə gələcəyinə heç kim inanmır. İndiki məqamda Polun “Yuventus”a keçməsi daha real görünür.
Xatırladaq ki, fransalı yarımmüdafiəçi bu mövsüm cəmi 8 oyunda meydana çıxıb. Onun hesabında 2 məhsudar ötürmə var. Bir neçə gün öncə isə Poqba topuq nahiyəsindən əməliyyat olunmuşdu.