“Zirə” heyətini yeni futbolçu ilə gücləndirib.

Qəsəbə təmsilçisi bu gün “Qəbələ” ilə vidalaşan Davit Volkovla müqavilə bağlayıb. 24 yaşlı gürcüstanlı hücumçu ilə 1,5 illik müqavilə imzalanıb.

“Qəbələ”dən əvvəlki klubu “Saburtalo” olan Volkov 2017-2018-ci illərdə bu komandanın formasını geyinib. Hücumçu bunadək Gürcüstanda “Qaqra” (2012-2013), Tbilisi “Dinamo”su (2013-2016), həmçinin icarə əsasında “Dinamo-2” (2013-2015), “Çixura” (2016) və “Sioni” (2016) komandalarında çıxış edib. O, 2017-ci ildə Serbiyanın “Zemun” klubunda legioner həyatı yaşayıb.