“Mançester Siti”nin baş məşqçisi Xosep Qvardiola ÇL-in 1/8 final mərhələsindəki rəqibləri “Real” haqda fikirlərini bölüşüb.
Kataloniyalı mütəxəssis madridliləri xeyli tərifləyib: “Bizi inanılmaz qarşıdurma gözləyir. “Real”ın bizimlə müqayisədə bu turnirdə təcrübəsi daha çoxdur. Axı bu klub Çempionlar Liqasının kralıdır. Mərhələ adlamaq üçün əlimizdən gələni edəcəyik. Ümid edirəm ki, komandam iki möhtəşəm oyun keçirəcək. Ümumiyyətlə Avropanın 16 ən güclü komandası sırasında yer almaq çox gözəldir. Biz madridlilərlə oyuna ciddi hazırlaşacağıq. Görək həmin ərəfəsində bu iki komanda hansı formada olacaq. Siz ÇL-i qazanmaq istəyirisinizsə, ən güclü komandalarla oynamalısınız”.
Xatırladaq ki, bu komandalar arasında ilk oyun fevralın 26-da Madriddə keçiriləcək. Mançesterdəki cavab oyunu martın 17-də baş tutacaq.