Argentina millisinin əfsanəvi futbolçusu Dieqo Maradona heç vaxt Lionel Messiylə münaqişə yaşamadığını söyləyib.
Argentinann “TyC Sports” telekanalına açıqlama verən Don Dieqo bunları söyləyib: “Mən heç vaxt Messiylə münaqişə yaşamaram. Bizim aramızda niyə söz-söhbət olsun ki? Axı mən argentinalıyam. Qətiyyən Leonu tənqid etmirəm. Bizim aramızda xoş münasibət var”.
Xatırladaq ki, DÇ-2010-da Messi Argentina millisində Dieqo Maradonanın başçılığı altında oynamışdı. Həmin mundialdan sonra Dieqo bir neçə dəfə uğursuzluğa görə Messini günahkar elan etmişdi.