Braziliya millisinin sabiq futbolçusu Rivaldo PSJ-də çıxış edən həmyerlisi Neymarla bağlı danışıb.
47 yaşlı keçmiş yarımmüdafiəçi Neymarın Paris klubundan ayrılmalı olduğunu deyib:
"PSJ möhtəşəm klubdur, amma Neymarın səviyyəsinə uyğun deyil. Dünyanın ən yaxşı futbolçusu olmaq istəyirsinizsə, Çempionlar Liqasını qazanmaq postensialı olan klubda oynamalısınız. Hər birimiz insanıq, səhvlər edə bilərik. Neymar PSJ-yə getməklə səhv etdi. Hələ 27 yaşı var və uzun yol önü gözləyir".
PSJ braziliyalı hücumçunu 2017-ci ildə "Barselona"dan 222 milyon avroya transfer edib.