Beynəlxalq Jüdo Federasiyasının  versiyasına görə, Hidayət Heydərov  və Zelim Kotsoyev dünyada  “İlin cüdoçusu” adına əsas  namizədlər arasındadır. Bu nominasiyada  7 idmançı mübarizə aparır və  onların hər biri Olimpiya çempionu olub. Qeyd edək ki, Heydərov və Kotsoyev bu il olimpiya qızıllarından əlavə dünya çempionu adını qazanıblar. Hidayət həm də dördüncü dəfə Avropa çempionu tituluna yiyələnib.
Azərbaycan millisinin boksçusu Alfonso Dominqes Beynəlxalq Boks Assosasiyası tərəfindən mükafatlandırılıb.  Təşkilatın Birləşmiş Ərəb Əmirliklərinin Dubay şəhərində keçirilən Konqressində 2024-cü ilin ən yaxşıları fərqləndirilib.  Paris-2024 Yay Olimpiya Oyunlarının gümüş medalçısı olan Dominqes də ilin ən yaxşıları arasında yer alıb.