“Mançester Siti” Xosep Qvardiola ilə müqavilə müddətini yeniləyəcək. Bu barədə Böyük Britaniya mətbuatı məlumat yayıb. İspaniyalı mütəxəssis  yaxın günlərdə yeni sözləşməyə imza atacaq. O, daha iki il ərzində “şəhərlilər”i çalışdıracaq. Qvardiolanın “Mançester Siti” ilə hazırkı müqaviləsi 2025-ci ilin yayında başa çatacaq.  Xatırladaq ki, 53 yaşlı məşqçi 2016-cı ildən “Mançester Siti”ni çalışdırır. Onun başçılığı altında bu komanda 6 dəfə Premyer Liqa, 1 dəfə də Çempionlar Liqasının qalibi olub.