İspaniya La Liqasında 6-cı tura yekun vurulub.
Sonuncu görüşdə “Betis” və “Malyorka” qarşılaşıb. 7-ci dəqiqədə hesab açılıb. Covani Lo Selso Sevilya təmsilçisinə üstünlük qazandırıb. Amma meydan sahiblərinin sevinci çox çəkməyib. “Malyorka” bu qola dərhal cavab verib. Qonaqlardan Daniel Rodriges tarazlığı bərpa edib. İlk hissə 1:1 hesabilə yekunlaşıb. Fasilədən sonra da meydanda gərgin mübarizə gedib.  Böyük əzmkarlıq nümayiş etdirən “Malyorka” futbolçuları sona yaxın 2-ci qolu vuraraq qələbə qazanıblar. Valeri Fernandesin zərbəsi qarşısıalınmaz olub. “Betis” – “Malyorka” 1:2. Bu qələbə sayəsində komanda 11 xalla 5-ci yerdə qərarlaşıb. “Betis” 8 xalla 11-cidir. Turnir cədvəlinə 6 oyundan 18 xal toplayan “Barselona” başçılıq edir.