Misli Premyer Liqasında ilk turun oyunlarına yekun vurulub. “Sabah” doğma meydanda “Şamaxı” ilə qarşılaşıb. Görüşdə ilk qolu meydan sahibləri vurublar. Namik Ələsgərov diqqət mərkəzinə düşüb. 37-ci dəqiqədə Xəyal Əliyev komandasının üstünlüyünü artırıb. Buna baxmauaraq fasilə ərəfəsində qonaqlar fərqi minimuma endiriblər. “Şamaxı”nın heyətindən Rüfət Abbasov fərqlənib. 2-ci yarıda hücumlarını gücləndirən böl təmsilçisi daha bir qol vurub Belaci Pusi tarazlığı bərpa edib. Oyunda başqa qol olmayıb: “Sabah” – “Şamaxı” 2:2.
Bu mövsüm avrokuboklarda inamlı çıxışını davam etdirən “Zirə” “Səbail”i qəbul edib. 12-ci dəqiqədə Davit Volkov hesabı açıb. Gürcüstanlı futbolçu fasilə ərəfəsində daha 2 qol vurmaqla fərqi 3 topa çatdırıb. 49-cu dəqiqədə “Səbail”in heyətindən Ayman Buali diqqət mərkəzinə düşüb. Yekun nəticəni isə İsa Cibrila müəyyənləşdirib. Beləliklə “Zirə” ilk turda “Səbail”i 4:1 hesabilə məğlub edib.