Minifutbol üzrə dünya çempionatının yarımfinal görüşünüdə milli komandamız Qazaxıstan seçməsi ilə qarşılaşıb.
Oyuna yaxşı başlayan futbolçularımız hissənin ortalarında hesabı açmağa nail olub. Qapıçı ilə təkbətək qalan Eşqin Tağıyev dəqiq oynayıb. İlk yarı millimizin minimal üstünlüyü ilə yekunlaşıb. İkinci hissəyə rəqib fəal başlayıb. 30-cu dəqiqədə Nursultanın qolu ilə Qazaxıstan futbolçuları tarazlığı bərpa edib 1-1.  41-ci dəqiqədə Asiya təmsilçisi Canibek Seitcanın vurduğu qolla hesabda önə keçib. 45-ci dəqiqədə isə futbolçularımız Uralbek Yegizbayevin fərqlənməsinə mane ola bilməyiblər 3-1. Yığmamız son dəqiqələrdə bir qol vursa da, oyunu xilas edə bilməyib. Dubl edən Eşqin Tağıyev qarşılaşmada son nöqtəni qoyub. Beləliklə Qazaxıstan millisinə 2-3 hesabı ilə uduzan minifutbolçularımız dünya çempionatının bürünc medalları üçün yarışacaq. Komandamızın rəqibi isə Macarıstan yığmasıdır. Bu gün Bakı vaxtı saat 18:00-da başlayacaq görüş İdman TV ilə canlı yayımlanacaq.