"Sumqayıt" daha bir transferi reallaşdırıb. Klubun mətbuat xidməti xəbər verir ki, "kimyaçılar" Şimali Makedoniyanın "AP Brera" klubunun futbolçusu Kristian Velinovski ilə 2 illik müqavilə imzalayıb.
24 yaşlı cinah oyunçusu "18" nömrəli formada çıxış edəcək. Qeyd edək ki, Kristian Velinovski karyerası ərzində Şimali Makedoniyanın "Breqalnitsa" və "AP Brera" klublarında çıxış edib. Velinovski Şimali Makedoniyanın 21 yaşlılardan ibarət milli komandasına da dəvət alıb.
