3x3 basketbol üzrə qadınların Dünya seriyasında çıxış edən “Neftçi” klubu Debretsen mərhələsinin qalibi olub.
Yarışın yarımfinalında komandamız meydan sahibi Macarıstan millisinə qalib gəlib. 22-14 Finalda ağ-qaraların rəqibi Almaniyanın “Düsseldorf  Zoos”  klubu olub. Bu matça da fəal başlayan “Neftçi” yekunda 21-10 hesablı qələbə qazanaraq Debretsen mərhələsinin ali mükafatına yiyələnib. Turnirin ən dəyərli oyunçusu “Neftçi”nin basketbolçusu Bryana Freyzer seçilib. Bu, təmsilçimizin Dünya seriyasında 4-cü çempionluğu olub. Qeyd edək ki, “ağ-qaralar” indiyə qədər Şuşa, Netaniya və Meliliya yarışlarında da fəxri kürsünün ən yüksək pilləsinə qalxmışdı.