3x3 basketbol üzrə qadınların dünya seriyasında Debretsen mərhələsi keçirilir.
“Neftçi” qrup mərhələsində uğurlu nəticə göstərərək 1/4 finala çıxıb. B qrupunda çıxış edən komandamız əvvəlcə Ukrayna basketbolçularını 22:6, daha sonra isə Amerika Birləşmiş Ştatları komandasını 21:9 hesabilə məğlubiyyətə uğradıb. “Neftçi” bu gün 1/4 finalda Macarıstanın “Dyor” kollektiviylə üz-üzə gələcək. Qarşılaşma Bakı vaxtilə saat 21:10-da başlanacaq. Qeyd edək ki, “Neftçi” indiyədək Şuşa, Netaniya və Melilya yarışlarında ali mükafata yiyələnib. “Ağ-qaralar” hazırda 651 xalla ümumi siyahıda ilk 3-lüyü tamamlayır.