Bakıda keçirilən taekvondo üzrə dünya çempionatının üçüncü günündə daha 3 dəst medal sahibi müəyyənləşəcək.
“İdman TV”də canlı yayımlanan yarışda kişi taekvondoçular 80 və 87 kq, qadın idmançılar isə 49 kq çəki dərəcəsində mübarizə aparacaqlar. Millimizin üzvü,80 kq-da çıxış edən Əliəskər Əliyev yarışa 1/16 finaldan start verəcək. 87 kq çəkidə dayanq üzərinə çıxacaq Taleh Süleymanov və 49 kq-da bacarığını göstərən Patimat Abakarova da ilk mərhələdən azaddır. Onlar da dünya çempionatına 1/16 finaldan başlayacaqlar.
