Azərbaycan çempionatında 35-ci turun oyunları keçirilib.
Ötən tur çempionluğunu rəsmiləşdirən “Qarabağ” doğma arenada Sumqayıta uduzub. Qonaqlar fasiləyə kimi 2 qol vurublar. Vüsal İsgəndərli və Səbuhi Abdullazadə qapını dəqiq nişan alıb. 2-ci hissədə isə Riçard Almeyda Ağdam klubunun təsəlli qolunu vurub. Beləliklə “Sumqayıt” çempiona 2:1 hesabı ilə qalib gəlib. “Turan Tovuz” – “Səbail” görüşü daha məhsuldar və dramatik keçib. Artıq 2-ci dəqiqədə Şəhriyar Əliyev yerli azarkeşləri sevindirib. 2-ci hissənin əvvəlində Ayxan Quseynov hesabı artırıb. Amma qarşılaşmanın sonunda qonaqlar məğlubiyyətdən xilas olublar. Franko Mazurek və Qoba Zakpa qapını dəqiq nişan alıb - 2:2. Qeyd edək ki, son tur öncəsi “Səbail” 26 xalla 9-cudur və autsayder “Şamaxı”nı 1 xal qabaqlayır. Sonuncu 36-cı turda məhz elə bu iki komanda “Səbail”in meydanında üz-üzə gələcək.