UEFA Konfrans Liqasının ikinci təsnifat mərhələsində cavab oyunlarına start verilib.
Turnirdəki təmsilçilərimizdən “Sumqayıt” Macarıstanın Sekeşfehervar şəhərində yerli komada ilə üz-üzə gəlib. Sumqayıtda keçirilən qarşılaşmada 2:1 hesabı ilə uduzan gənclik şəhəri təmsilçisi səfərə böyük ümidlərlə yollanmışdı. İlk dəqiqələrdən “kimyaçılar” tarazlığı pozmağa cəhd etsələr də rəqib müdafiənin sayıqlığı nəticənin dəyişməsinə imkan verməyib. Fasilədən sonra da “Sumqayıt” futbolçuları oyunda dominantlıq edən tərəf olub. İkinci hissənin ortalarında 3 real qol epizodunda sadəcə dəqiqlik çatmayıb. 90 dəqiqə ərzində demək olar müdafiə futbolu oynayan “Fehervar” yekunda 2:1 hesablı ümumi nəticəni qoruyaraq mərhələni keçən tərəf olub. “Fehervar” – “Sumqayıt” 0:0. Beləliklə, UEFA Konfrans Liqasında iştirak edən təmsilçilərimizdən biri azalıb. “Sumqayıt” bu mövsüm avrokuboklarla erkən vidalaşıb.