“Turan Tovuz” klubu yeni legioner transfer atməyə hazırlaşır. Qərb təmsilçisi argentinalı müdafiəçi Patrisio Matrikardi ilə danışıq aparır. Hazırda Rumıniyanın “Voluntari” klubunda oynayan legionerlə ilkin danışıqlar aparılıb. Qeyd edək ki, futbolçu Yunanıstan “Asteras” və Rusiyanın “Rotor” klubunun da şərəfini qoruyub.

Bu arada Tovuz klubunda növbəti ayrılıq reallaşıb. Əsas heyətin üzvü Aydın Bayramov komandanı tərk edib. Tovuz klubunda bir mövsüm çıxış edən 28 yaşlı “çərçivə” qoruyucusu “Zirə” ilə anlaşıb. İki illik müqavilə bağlayan qolkiper qəsəbə təmsilçisində çıxış edəcək. Transferin tezliklə rəsmiləşəcəyi gözlənilir. Qeyd edək ki, daha əvvəl “Turan Tovuz”un daha bir qapıçısı Tərlan Əhmədli də komandadan gedib.