Bu gün Türkiyə Super Kuboku uğrunda görüş keçiriləcək.
Tarixində 57-ci dəfə təşkil olunacaq qarşılaşmada ötən ilin Türkiyə çempionu “Qalatasaray” və Türkiyə Kubokunun qalibi olan “Fənərbağça” komandaları üz-üzə gələcəklər. Qeyd edək ki, turnirin rekordçusu olan “Qalatasaray” 57 il ərzində sayca 7-ci dəfə Türkiyə Super Kubokunda “Fənərbağça” ilə üz-üzə gələcək. Oyun ölkənin futbol federasiyası tərəfindən verilən qərara əsasən Səudiyyə Ərəbistanının Ər-Riyad şəhərində təşkil olunacaq. Futbolçular “Kral Suud Universiteti” stadionunda meydana çıxacaqlar. 25 min nəfərlik azarkeş tutumu olan arenaya gələcək azarkeşlər demək olar bütün biletləri əldə ediblər. Mütəxəssislər də qarşılaşmanın ağır keçəcəyini proqnoz edir. Dekabrın 24-ü Super Liqanın 18-ci turunda üz-üzə gələn əzəli rəqiblərin görüşündə qolsuz heç-heçə qeydə alınıb.