UEFA Avropa Liqasında mübarizə aparan “Qarabağ” bu gün qrup mərhələsində sonuncu oyununa çıxır.
Komandamız Bakıda İsveçin “Hakken” klubunu qəbul edəcək. Tofiq Bəhramov adına Respublika stadionunda keçiriləcək qarşılaşma saat 21:45-də başlanacaq. Matçı albaniyalı FIFA referisi Yucin Caya idarə edəcək. Ağdam klubu qalib gələcəyi təqdirdə digər oyunun nəticəsindən asılı olmayaraq, tarixində ilk dəfə bu turnirin pley-offuna yüksələcək. H qrupunun digər görüşündə “Bayer” Almaniyada Norveçin “Molde” klubu ilə qarşılaşacaq. Leverkuzen təmsilçisi hazırda 15 xalla liderdir. “Qarabağ” 7 xalla ikinci, eyni xala malik “Molde” üçüncü sıradadır. “Hekken”in isə hesabında xal yoxdur.