UEFA Avropa Liqasında mübarizə aparan “Qarabağ” pley-off mərhələsinin cavab oyununda “Olimpiya Lyublyana”nı qəbul edəcək. Sloveniyada rəqibinə 2:0 hesabı ilə qalib gələn Azərbaycan çempionu cavab matçına üstünlüklə çıxacaq.
Ağdam klubunun baş məşqçisi Qurban Qurbanov qarşılaşma ilə bağlı keçirilən mətbuat konfransında, ilk oyundakı qələbəyə baxmayaraq matça ciddi hazırlaşdıqlarını və onları gərgin mübarizənin gözlədiyini bildirib.
Xatırladaq ki, saat 20:00-da start götürəcək “Qarabağ” – “Olimpiya” oyunu İdman TV ilə canlı yayımlanacaq.