“Neftçi” UEFA Konfrans Liqasının 3-cü təsnifat mərhələsində cavab oyununa çıxıb.
“Ağ-qaralar” İstanbulda “Beşiktaş”ın qonağı olub. Xatırladaq ki, Bakıda keçirilən ilk oyunda “qara-qartal” 3:1 hesabilə qalib gəlmişdi. Türkiyədəki matçda “Neftçi” hesabı açıb. 36-cı dəqiqədə Emin Mahmudovun zərbəsi qarşısıalınmaz olub. İlk hissə minimal hesabla yekunlaşıb. Lakin komandamız daha artığına nail ola bilməyib. “Beşiktaş” futbolçuları fasilədən sonra 2 qol vuraraq qələbəni təmin edib. 57-ci dəqiqədə Vensan Abubakar, 71-ci dəqiqədə isə Ceyson Muleka diqqət mərkəzinə düşüb 2:1. 2 oyunun nəticəsinə əsasən 5:2 hesabilə qələbə qazanan “Beşiktaş” UEFA Konfrans Liqasının pley-ofuna yüksəlib. Şenol Günəşin komandası qrup mərhələsinə vəsiqə üçün “Dinamo” Kiyevi mübarizədən kənarlaşdırmalıdır.