UEFA Konfrans Liqasında mübarizə aparan “Neftçi” ikinci təsnifat mərhələsində cavab oyununa çıxıb.
Komandamız doğma meydanda “Jelezniçar” futbolçuları ilə üz-üzə gəlib. İlk dəqiqələrdən hücumda fəallıq göstərən “ağ-qaralar” çox keçmədən hesabı açmağa nail olub. 20-ci dəqiqədə Kilan Lebonun ötürməsindən sonra Kenni Sayef topu qapıdan keçirərək yerli azarkeşləri sevindirib. Fasiləyə üstün yollanan “Neftçi” ikinci hissədə də rəqibə çətin anlar yaşadıb. 68-ci dəqiqədə Eddi İsrafilov qonaqlar növbəti dəfə mərkəzə dəvət edərək mübarizəyə nöqtə qoyub. “Neftçi” – “Jelezniçar” 2:0. Bununla da, iki oyunun ümumi nəticəsinə əsasən 4:2 hesabı ilə qələbə qazanan “Neftçi”3-cü təsnifat mərhələsinə yüksəlib. Komandamızın növbəti rəqibi isə Türkiyənin “Beşiktaş” klubu olacaq.