“Neftçi” daha bir futbolçunu heyətinə qatıb. Bakı təmsilçisi milli komandamızın sabiq üzvü Qara Qarayevlə 2+1 il şərtli müqavilə bağlayıb. 30 yaşlı dayaq yarımmüdafiəçisi “ağ-qaralar”ın heyətində 2 nömrəli formanı geyinəcək. Qara Qarayev karyerası ərzində yalnız “Qarabağ” klubunda çıxış edib. O, 2008-ci ildən oynadığı Ağdam təmsilçisi ilə 9 dəfə Azərbaycan çempionatının, 4 dəfə isə ölkə kubokunun qalibi olub. Qara milli komandamızın heyətində 76 oyun keçirib.