“Mançester Yunayted” “İnter”in qapıçısı Andre Onananın keçidini rəsmiləşdirib.
Premyer Liqa təmsilçisi kamerunlu futbolçu üçün İtaliya klubuna 55 milyon avro ödəyib. Onana mankunyanlarla 2028-ci ilin yayına qədər müqavilə imzalayıb. Xatırladaq ki, Andre hazırda “Mançester Yunayted”in çalışdırıcısı olan Erik Ten Haqın “Ayaks”da başçılığı altında oynayıb. Onana ötən mövsüm “İnter”in heyətində keçirdiyi 24 oyunda qapısında eyni sayda top görüb. “Neradzurra” həm də onun uğurlu oyunu sayəsində Çempionlar Liqasının finalına qədər yüksəlib.