Leon Qoretska da “Bayern”i tərk edə bilər.
Almaniya mətbuatının məlumatına görə, “Vest Hem” 28 yaşlı yarımmüdafiəçinin xidmətində maraqlıdır. Konfrans Liqasının qalibi Almaniya millisinin yarımmüdafiəçisi üçün bundesliqa çempionuna 45-50 milyon avro ödəməyə hazırdır. Ötən mövsüm Leon “Bayern”in heyətində keçirdiyi 40 oyunda 6 qol və 6 məhsuldar ötürmə ilə yadda qalıb. Onun Münxen klubu ilə müqavilə müddəti iyunun 26-da başa çatacaq. Yeri gəlmişkən, “Vest Hem” Deklan Raysın “Arsenal”a keçidindən sonra Qoretska ilə yanaşı, “Ayaks”ın meksikalı futbolçusu Edson Alvareslə də maraqlanır.