İngiltərə Prenyer Liqasının 31-ci turunda “Arsenal” “Vest Hem”in qonağı olub. London derbisinə daha yaxşı başlayan lider komanda 10 dəqiqə ərzində 2 qol vurub. Qabriel Jesus və Martin Edeqor qapını dəqiq nişan alıb. Amma ötən tur “Liverpul”la oyunda olduğu kimi, bu dəfə də “Arsenal” futbolçuları 2:0 hesablı üstünlüklərini əldə veriblər. Fasiləyə kimi Muhammed Said Benrahma buraxılan toplardan birinin əvəzini çıxıb. 2-ci hissənin əvvəlində “Arsenal”ın heyətində Bukayo Saka-nın penaltidən yararlana bilməməsi həlledici olub. 3 dəqiqədən sonra Djarrod Bouen komandasını məğlubiyyətdən xilas edib - 2:2. 31 tura 74 xal toplayan “Arsenal” ən yaxın izləyicisi “Mançester Siti”ni 4 xal qabaqlayır. Amma “şəhərlilər”in 1 oyun az keçiriblər.
Ardıcıl 3-cü qələbəsini qazanan “Mançester Yunayted” isə 59 xalla 3-cü pilləyə yüksəlib. Mankunyanlar “Nyuksal”ı 3 xal geridə qoyublar. Komanda səfərdə “Nottingem Forest”i 2:0 hesabı ilə məğlub edib. Qonaqların heyətində Antoni Mateus Dus Santus ilk qolu vurub. Diequ Dalot isə yekun nəticəni müəyyənləşdirib.