Səudiyyə Ərəbistanı çempionatının 16-cı turunda “Əl-Nəsr” səfərdə “Əl Vehda” ilə üz-üzə gəlib.
Görüş “Əl-Nəsr”in portuqaliyalı ulduzu Kriştianu Ronaldunun benefisinə çevrilib. O, 21-ci dəqiqədə hesabı açıb.Bu Ronaldunun indiyə kimi çıxış etdiyi ölkə çempionatlarında vurduğu ümumilikdə 500-cü qol olub. Fasilə ərəfəsində Ronaldu 2-ci dəfə qapını dəqiq nişan alıb. 2-ci hissədə portuqaliyalı futbolçu daha 2əfə rəqib qapısına yol tapıb. Əvvəlcə 53-cü dəqiqədə penaltini dəqiq yerinə yetirib. 61-ci dəqiqədə 4-cü qolunu vuran Ronaldu “Əl- Nəsr”ə böyük hesablı qələbə qazandırıb. Karyerasında 61-ci dəfə bir oyunda 3 və daha çox qol vuran Ronaldu bu göstəcidə liderdir. Qeyd edək ki, hazırda “Əl-Nəsr” 37 xalla çempionatda zirvədə qərarlaşıb. “Əl-Şabab” da eyni xal toplasa da, daha yaxşı top fərqinə görə “Əl-Nəsr” zirvədədir.