Türkiyənin Antalya şəhərində təlim-məşq toplanışında olan "Turan Tovuz" ilk yoxlama oyununu keçirib. Ayxan Abbasovun rəhbərlik etdiyi kollektiv Rumıniyanın "Petrolul" klubu ilə qarşılaşıb. Matç "Turan Tovuz"un 2:3 hesablı məğlubiyyəti ilə başa çatıb. Qərb bölgəsi təmsilçisinin heyətində yeni transfer Denis Marandiç və Ayxan Hüseynov fərqlənib.
Xatırladaq ki, "Turan Tovuz" yanvarın 13-də İsveçrənin "Aarau", 17-də isə Polşanın "Qurnik" klubu ilə üz-üzə gələcək.