Qış fasiləsi üçün "Kəpəz"in hazırlıq planı müəyyənləşib. Yanvarın 2-də Gəncədə bir araya gələcək komanda üzvləri ayın 5-ə kimi burada məşq edəcəklər. “Sarı-göylər” təlim-məşq toplanışı üçün Türkiyəyə yollanacaqlar. Tərlan Əhmədovun yetirmələri 7-19 yanvar tarixlərində qardaş ölkədə hazırlıq keçəcəklər. Toplanış Antalyanın Bələk qəsəbəsində reallaşacaq.
Bu arada “Kəpəz”dən ayrılacaq futbolçulardan biri məlum olub. Bu qapıçı Kamran İbrahimovdur. Orxan Sadıqlının transferindən sonra heç cür əsas heyətə düşə bilməyən gənc qapıçı rəhbərliyin də ümidlərini doğrultmayıb. Ona görə də qolkiperlə müqavilənin qarşılıqlı razılıq əsasında pozulması gündəmdədir. Qeyd edək ki, kamran ibrahimov mövsümün əvvəlində “Neftçi”dən “Kəpəz”ə keçib.